open2days open2days
recent

Latest News

recent
recent
جاري التحميل ...

هنا التقديم لمدينة زويل للعلوم والتكنولوجيا من 90% لكل شباب الثانوية العامة

لكل شباب الثانوية العامة ركز كويس هنا التقديم لمدينة زويل2020 شغال ، و التقديم للمدينة من اول 90% Zewail University


زي اول سنة و ده عشان يكون في فرصة أكبر لناس أكتر تقدر تقدم لأمتحانات القبول .
و ده تحديث للبوست السنوي بتاريخ 6-8-2020

هتلاقى تقريبا اجابات معظم الاسئلة اللى فى دماغك وفقا لأخر تحديث نظرا للاعلان اللى أعلن عنه *
قبل ما تسأل اي حاجه على المدينة جرب بس تقرأ البوست ده هو
طويل شوية بس والله تقريبا فيه كل حاجه محتاج تعرفها عن المدينة اقراه و بعد كده شيره عشان حد تانى ينتفع بيه.
و متعدّل حسب اخر قرارات المدينة لسنة ٢٠٢٠.

ليه مدينة زويل مش أي جامعة تانية؟
مدينة زويل هي #مشروع_مصر_القومي للنهضة العلمية ... هي مشروع حكومي 100% غير هادف للربح، احنا مش جامعة خاصة ولا حكومة عادية ولا حتى جامعة أهلية، احنا جامعة بقانون خاص مبني على شخصية اعتبارية هي دكتور أحمد زويل والمدينة مدعومة من الدولة حكومةً وشعباً.
مدينة زويل مختلفة كتير عن جامعات مصر وده تقدر تسأل فيه أي طالب في المدينة بدايةً من المناهج وطريقة التدريس لحد تعامل أعضاء المدينة بدايةً من رئيس الجامعة حتى عامل النظافة، وده فعلاً بيميّزها، إنك دايماً حقك في إبداء الرأي مكفول ودايماً في محاولة لحل المشاكل اللى بتنشأ أول بأول.
أما من الناحية العلمية، فالتجهيزات اللي فيها من معامل وقاعات تدريس كفيلة إنها تتكلم عن المدينة.

جامعة زويل ... لأ هى مش جامعة زويل .. "مدينة زويل" طب ليه مدينة؟
مدينة زويل هي مدينة علمية مش مجرد جامعة بس!!
المدينة بتبدأ بالأكاديمية اللي هى عبارة عن مدرسة ثانوي قادرة على إعداد الطالب بعد مرحلة التعليم الإعدادي بإنه يكون قادر على فَهم نظام التعليم الحديث، لكن الأكاديمية لم تبدأ بعد وقدامها 3 سنين تقريباً.
تاني حاجة في المدينة هو مركز الدراسات الاستراتيجية .. هو مركز وظيفته و دوره عمل دراسات للمشاريع القومية وإنه يحط ليها خطة متكاملة وده مش بيخدّم على المدينة بس بل على مصر كلها
و تقدر تعرف عنه أكتر من اللينك ده .. https://www.zewailcity.edu.eg/main/content.php…

تالت حاجة هي معاهد الأبحاث ودي عبارة عن 7 مراكز أبحاث مختلفة:
معهد حلمى للعلوم الطبية(HIMS)
(CAAD) مركز دراسات الشيخوخة والأمراض المصاحبة لها
(CG) مركز علوم الجينوم
.(CESC) مركز التميز لأبحاث الخلايا الجذعية والطب المتجدد
معهد علوم النانو والمعلومات (INI)
(CND) مركز أجهزة وإليكترونبات النانو
مركز تكنولوجيا النانو
مركز علم المواد
معهد التصوير والمرئيات (IIV)
(CIF) مركز التصوير والتصنيع
معهد علوم الاقتصاد والشئون الدولية (IEGA)
(THC) مركز طلعت حرب للاقتصاد والتنمية
معهد العلوم الأساسية (IBS)
(CFP) مركز الفيزياء النظرية
معهد الطاقة والبيئة والفضاء (IEES)
(CPSM) مركز الفوتونات والمواد الذكية
معهد التعليم الافتراضي (IVE)
(CLT) مركز بحوث تقنيات التعليم

المراكز دي مش بس للخريجيين . . . لأ ده فيه كمان طلبة من المدينة من سنة أولى وشغالين هناك وكتير بياخدوا تدريب هناك، لو عاوز تعرف أكتر بقى عن مراكز الأبحاث تقدر تعرف من اللينك ده
https://www.zewailcity.edu.eg/main/content.php…

رابع ركن في المدينة هو #حديقة_التكنولوجيا .. طيب إيه هو ده؟
كالمعتاد في مصر إننا نعمل أبحاث و تترمي في الدرج بسبب عدم تطبيقها ... الهرم ده هو عبارة عن صورة صغيرة من المصانع بيتم فيها عمل prototype من المنتج اللي محتاج ينزل السوق ويتم عمل دراسة ليه لطرحه في السوق، لو حابب تعرف أكتر بردو ممكن تشوف اللينك ده
https://www.zewailcity.edu.eg/main/content.php…

طيب المنظومة دي تقريباً كده عشان تكتمل محتاجه تكتمل بآخر جزء وهو "الجامعة" اللي هي بمثابة حلقة الوصل بين التعليم ما قبل الجامعي ومراكز الأبحاث وهي السبب الرئيسي للبوست ده
أول حاجه نبص بصة كده على دكاترة المدينة ...
اللينك ده فيه CVs الدكاترة المؤسِسة في مدينة زويل عشان تتعرف عليهم
https://www.zewailcity.edu.eg/main/content.php…

نيجي بعد كده بقى للجامعة، فيها أقسام إيه؟
المدينة فيها مجالين يندرج تحتيهم ٩ أقسام معظمهم تقريباً بيكون أول مرة في الوطن العربي يتقدم للطلبة الـ undergraduate ، والأقسام دي اختيارها لم يتم بعشوائية . . . تم اختيار الأقسام بناءً على دراسات اتعملت عشان تشوف مصر محتاجة أقسام إيه في الفترة اللي جاية وبناءً عليه تم اختيار الأقسام دي، وزي ما قلنا هما بينقسموا لمجالين:
أولاً المجال الهندسي - مدة الدراسة 5 سنين وأقسامه:
1- هندسة النانو التكنولوجى Nanotechnology Engineering
https://www.zewailcity.edu.eg/main/content.php…
2- هندسة الطاقة الجديدة والمتجددة Renewable Energy Engineering
https://www.zewailcity.edu.eg/main/content.php…
3- هندسة الطيران و الفضاء Space Communication Engineering
https://www.zewailcity.edu.eg/main/content.php…
4- هندسة البيئة Environmental Engineering
https://www.zewailcity.edu.eg/main/content.php?
lang=en&alias=environmental_engineering
٥- هندسة الاتصالاتو المعلومات

ثانياً المجال العلمي - مدة الدراسة 4 سنين وأقسامه:
Biomedical Sciences -1- علوم الطب الحيوى
https://www.zewailcity.edu.eg/main/content.php…
Material Sciences -2- علوم المواد
https://www.zewailcity.edu.eg/main/content.php…
Nano Science 😚 علوم النانو
https://www.zewailcity.edu.eg/main/content.php…
Physics of Earth and Universe -4- فيزياء الارض و الكون
https://www.zewailcity.edu.eg/main/content.php…
5- Drug Delivery and Design ( DDD )

مدة الدراسة بالهندسة 4 سنين + سنة إعدادي، ومدة الدراسة في العلوم 3 سنين + سنة إعدادي،
فى السنة الأولى Foundation Year بندرس جميع المواد الأساسية للعلوم، وفي السنة دي خريج علمي رياضة بيدرس أحياء 1 و 2 وخريج علمي علوم بيدرس رياضة 1 و 2 بحيث إنه يقدر يختار براحته أي مجال سواء الهندسي أو العلمي دون قيود أو تنسيق داخلي، فقط رغبة الطالب . . . تقدر تشوف مواد السنة الأولى من هنا
https://www.zewailcity.edu.eg/main/content.php…

خريج المجال الهندسي بيحصل على شهادة بكاليريوس الهندسة، أما المجال العلمي فـ بيحصل على بكاليريوس العلوم.
حلو أوي كده، طيب أنا عاوز أعرف بقى نظام التقديم من أوله هعمل ايه؟؟
بص يا سيدي، التقديم بيكون على 4 مراحل، بتبتدي من الاستمارة ، وده اللينك بتاعها:https://selfservice.zewailcity.edu.eg/Application/

مطلوب منك بس إنك تكون معدّي الدرجة المطلوبة للحد الأدنى للتقديم، ودي بتختلف من سنة للتانية زي تنسيق الجامعات العادي، بالسنة دي مطلوب من الحاصلين على الشهادة الثانوية العامة ومايعادلها بحد أدنى للتقديم 90% للشهادة الثانوية المصرية والأزهرية والثانوية من الدول العربية والثانوية الألمانية والبكالوريا الدولية والثانوية الكندية والشهادات المعادلة وحد أدنى للتقديم 90% للدبلومة الأمريكية و90 % للثانوية البريطانية و80% لشهادة STEM و17/20 (90%) للبكالوريا الفرنسية،
تفاصيل أكتر عن معايير القبول من هنا:
https://www.zewailcity.edu.eg/main/content.php…

بعد ما قدّمت بقى، هتستنى إيميل القبول وفيه ميعاد امتحان الـ admission اللي فيه هتمتحن تاني في مواد الثانوية العامة بس أصعب شوية 😀
هتمتحن ف كيميا، فيزيا، رياضة 1، أسئلة منطقية، اسئلة قياس نفسى, ورياضة 2 أو أحياء حسب خلفيتك ف الثانوية
كل اللي أنت محتاجه إنك تراجع بسرعة على المواضيع اللي كانت ف الثانوية وتفتكر بس الكلام، لإن الامتحان معتمد على الفهم بشكل كبير جداً، كل القوانين هتجيلك في ورقة Formula Sheet ومش هتحتاج حاجة تانية إن شاء الله، وده لينك فيه تفاصيل أكتر و نموذج امتحان زي اللى بيمتحنوه
https://www.zewailcity.edu.eg/main/content.php…

** امتحان الأدمشن ب ٧٥٠ جنية، و لو هتمتحن الانجلش هتاخد شهادة بالمستوي بتاعك و ده رسومه ٣٥٠ جنية.
فقبل يوم امتحان ال Admission انت بتمتحن امتحان مقياس للغة الإنجليزية placement test و ده معيار قبول، أنك لازم تجتازه مش لازم تكون فائق فى اللغه بس عشان يشوف أنت محتاج كورس مكثّف 5 أسابيع قبل الدراسة ولا لأ عشان الدراسة هتكون بالإنجلش فـ متقابلش صعوبة في الدراسة، و محتاج Score معيّن.
و بعد كده هتستنى إيميل تاني بالقبول، وبينقلك للمرحلة اللي بعدها وهي مرحلة الـ interview و فيها بتتم تصفية أخرى وهي المرحلة الأخيرة للتصفية.

آخر حاجة بقى هيجيلك إيميل يقولك إنك نِجحت و تعالى طيب أنت كده اتقبلت وأخدت كورس الإنجليزى، هيقولك قدّم الأوراق المطلوبة بقى تسليم باليد hard copy ودي هتلاقيها موجودة في اللينك ده https://www.zewailcity.edu.eg/main/content.php…
- فاضل إيه؟ فاضل أعرف هدفع كام .. وده سؤال مهم جداً
زي ما قولنا فوق احنا جامعة غير هادفة للربح، لكن خلينا نشوف إزاي مصاريف أي جامعة بتتحسب؟؟!!
أولاً تكلفة الطالب فعلاً في الجامعة بتبقى معدّية 130 ألف جنيه في السنة، طب ليه؟!!
أي جامعة بتحسب مصاريفها عن طريق حاجتين . . .
1- مصاريفها اللي بتتصرف على الجامعة وتطويرها ومعاملها ودكاترتها ولوازم جامعة محترمة تواكب الجامعات المحترمة فى العالم
2- عامل الربح

بس عشان جامعة العلوم والتكنولوجيا بمدينة زويل (غير هادفة للربح) .....
فبتتحسب المصاريف تبعاً للبند الأول بس
السنة اللي فاتت اتقال لنا نفس الكلام لإن لازم يبقى فيه مصارحة من الأول بالتكلفة بتاعتك قبل ما تدخل، عشان تبقى عارف أنت جاي على إيه، فـ بتتعمل حاجة بسيطة جداً وهي بيان حالة اجتماعية عن طريق تقديم استمارة بيشوفوا منها مرتب الأب والأم ومصادر الدخل المختلفة للأسرة، إلى جانب التكاليف إللي بتصرفها الأسرة في أي حاجة، وعلى أساسه يتم تحديد المصاريف بالظبط، والجامعة قالت قبل كده كتير "لن يُحرم أى طالب من الدراسة بالجامعة لأي عائق مادي"
وبناءً عليه بعد قبولك النهائي بالجامعة بتملى البيان ده وتقدمه للجامعة إللي بدورها هتتأكد منه ويتحسبلك مصاريفك بمنتهى العدل، يعني ممكن واحد يدفع ألف وواحد 5 وواحد 10 وواحد 50 وواحد ميدفعش خالص!!

طب ايه شروط المنح الكاملة؟
1- تكون من أوائل الجمهورية
2- في منح كتير جداً مقدمة من جهات مختلفة،بعضها جزئي و بعضها كلي، تقدر تعرف عنها من موقع المدينة و الصفحات الرسمية

- طيب هي الجامعة بتقبل شهادات ايه؟؟
الجامعة عندنا أول جامعة تقبل جميع الشهادات الثانوية المعادلة سواء ثانوية عامة، ثانوية IGCSE, American diploma , وشهادات الثانوية الأزهرية، الثانوية العربية، والمحوّلين من الجامعات الأخرى بشرطين أولهم إنه يبدأ من سنة أولى وثانيهم يكون مجموعه التراكمي جيد على الأقل.

- طيب أنا كخريج من مدينة زويل هقدر أشتغل فين بالأقسام الجديدة دي؟
بص يا سيدي مجالات العمل كتيرة جداً ..
1- المجال البحثي سواء في المدينة أو غيره من مجالات البحث
2- الطريق الأكاديمي كمعيد ثم دكتور، خصوصاً إن لسه خريجي التخصصات دي قليلين جداً في مصر
3- تشتغل ف الشركات الـ National والـ Multinational خصوصاً إن الطلب على التخصصات دي لسه مفيش ليها مؤهلين كتير في مصر
4- ريادة الأعمال في المجالات الكتير الجديدة دي في مصر وهي أرض خصبة جداً لحاجة زي دي
5- أكتر حاجه مميزة في الأقسام دي إن كل قسم منهم هو ميكس لـ 3 تخصصات تقريباً من أي تخصصات في جامعة تانية، و ده بيفتحلك مجال واسع جداً من الشغل لإن الجامعة بتعتمد في أقسامها على نظام الـ interdisciplinarity بين العلوم المختلفة.

و اللينك ده فيه أسئلة كتير أوى عن الجامعة وأجوبتها ...
goo.gl/8fY1uO

أخيراً دي شوية لينكات لحاجات كتيرة مهمة هتحتاجها
1- شرح للامتحان على الـ Software
http://goo.gl/5Mtnw2

2- لينك موقع المدينة
www.zewailcity.edu.eg

3- الـ Handbook للطلبة
نسخة إنجليزي -كاملة- http://goo.gl/oIpn39
نسخة عربي من غير الكورسات http://goo.gl/7pfvrv

4- للاستفسارات عن القبول و التسجيل
admission@zewailcity.edu.eg
أو رقم المدينة 0238540400

طيب أنت بعد كل ده لسه عندك اسئلة
تقدر تبعت أسئلتك على صفحة الاتحاد
https://www.facebook.com/ZC.StudentUnion


Click here for more...
from #Bangladesh #News aka Bangladesh News Now!!!

عن الكاتب

Khaled Ragheb

التعليقات


***********************


***********************


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

Flag Counter

Flag Counter

جميع الحقوق محفوظة

open2days